ഏപ്രില് പ്രണയം : APRIL LOVE: Ernest Christopher Dowson

പ്രണയവഴികളിലിത്തിരി നടന്നു നമ്മള്

സ്നേഹമെന്തെന്നറിഞ്ഞു നമ്മള്

പിരിയവേ ദിനാന്തവേളയില് കൈമാറാം

നെടുവീറ്പ്പോ ചെറുപുഞ്ചിരിയോ

ചെറ്റുനേരം വെയില്പ്രഭയിലൊട്ടി നിന്നു നാം

പകലൊഴിഞ്ഞതും നിഴല് പരന്നതും

അറിഞ്ഞതില്ല കോറ്ത്ത ചുണ്ടുകള്

മുഴുവനായീല പ്രണയമപ്പൊഴും

മോഹനവാക്കുകള് ചൊല്ലിയില്ല നാം

മോഹഭംഗങ്ങളാകുവാന്

കുന്നിറങ്ങിയ കാറ്റുപോ‍ലെത്ര

സ്വഛം നമ്മള് തന് പ്രേമം

അരുതാത്തതൊന്നും പറഞ്ഞില്ല നമ്മള്

പിഴവുകള് നാം പണിഞ്ഞുമില്ല

നാളൊടുങ്ങുമ്പോള് നാം പിരികയല്ലേ

പ്രണയിച്ചവറ് തെല്ലൊരുമിച്ചിരുന്നവറ്

ഒടുവിലേയ്ക്കൊരു ദീപ്തചുംബനം

ഒരു ദീറ്ഘനിശ്വാസം മൃദുസ്മിതം

ഇരുവഴിക്കിനിപ്പിരികയല്ലേ